İcra Hakimiyyətinin başçısı Elvin Paşayev Göygöl rayonu Tülallar, Toğanalı və Əzgilli kəndlərində səyyar qəbul keçirib…

Tarix müəllimi, pedoqoq, ekoloq hara, mina təmizləmək hara...? - Nizami Hüseynov hara, Analitik İdarə hara?...

Masazırda gözlənilən YOXLAMA: Abdin Fərzəliyev milyonçu icra nümayəndəsini niyə qurban verir?

Ekologiya nazirinin müavini Vüqar Kərimov Muxtar Babayevin yerinə hazırlaşır... - Vüqar Kərimov Şəkidəki bahalı torpaqların böyük əksəriyyətini zəbt edib?…

Bakı Dövlət Sirkində tükürpədən maxinasiyalar... - Bakı Dövlət Sirkinin təmirinə ayrılan dövlət vəsaiti kimlərin cibinə gedib..?

Ayaq üstdə dura bilmirəm, dübl piyanam, gecə ilə gündüzü səhv salmışam - Ağstafa xəstəxanasının baş həkimin səs yazısı

"Adil Vəliyev dedi ki, gedin hara istəyirsiniz şikayət edin" - Sakinlərin ETİRAZI

“Orbita” MTK qovmaq istədiyi sakinləri bezdirmək üçün qeyri-insani üsullara əl atır – Narazı vətəndaşlar yüksək çinli məmurun adından təhdid olunur

"100 min" manatlıq vəzifənin SİRRİ- Xocavənd "ASC"nin rəisi Malik Mirzəyev Meliorasiya və Su Təsərrüfatı" sədrinin deyil,icra başçısını göstərişlərini rəhbər tutur

İcra Hakimiyyətinin başçısı Elvin Paşayev Göygöl rayonu Tülallar, Toğanalı və Əzgilli kəndlərində səyyar qəbul keçirib…

Bolge

Oxunub: 123

26 may 2023 | 13:04

İcra Hakimiyyətinin başçısı Elvin Paşayev Göygöl rayonu Tülallar, Toğanalı və Əzgilli kəndlərində səyyar qəbul keçirib…

Göygöl Rayon İcra Hakimiyyətinin başçısı Elvin Paşayevin rayonun Toğanalı və Əzgilli kəndlərində vətəndaşlarla səyyar görüşü təşkil olunub. Səyyar görüşdə Rayon İcra Hakimiyyəti başçısı Aparatının məsul şəxsləri, inzibati ərazi dairəsi üzrə nümayəndə, bələdiyyə və xidmət sahələrinin rəhbərləri iştirak ediblər.

Göygöl Rayon İcra Hakimiyyəti başçısı Elvin Paşayev keçirilən səyyar görüşlərin ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlərin tərkib hissəsi olduğunu qeyd edərək, dövlət və vətəndaş münasibətlərinin yüksələn xətlə inkişaf etdiyini, məhz bu uğurlu siyasətin ölkəmizin bütün istiqamətlər üzrə mühüm nailiyyətlər əldə etməsinə şərait yaratdığını vurğulayıb, eyni zamanda Elektron Hökumət Portalı tərəfindən yaradılmış Rəqəmsal İcra Hakimiyyəti platforması barədə vətəndaşlara məlumat verərək, xidmətin əlçatanlıq və üstünlüklərini qeyd edib və https://rih.gov.az/ platformasından istifadə etmələrini tövsiyə edib.

Qəbul zamanı bir qrup kənd sakinini dinləyən Rayon İcra Hakimiyyətinin başçısı mövcud problemlərin həlli, o cümlədən Toğanalı kəndi üzrə Toğanalı-Kəlbəcər yolunun kəndin daxilindən keçən hissəsində sürət məhdudiyyəti nişanının qoyulması, kəndin yuxarı hissəsində qoyulmuş nəzarət buraxılış postundan kənd sakinlərinin istənilən vaxt buraxılması, kənddaxili yolun təmir edilməsi, Əzgilli kəndi üzrə elektrik transformatorunun yenilənməsi, kəndə gələn yolun təmir edilməsi və digər məsələlərlə bağlı aidiyyəti xidmət sahələrinin rəhbərlərinə və məsul şəxslərə yerində müvafiq tapşırıq və tövsiyələrini bildirib.

19 may 2023-cü il tarixində Ekologiya və Təbii Sərvətlər Nazirliyinin, Göygöl Rayon İcra Hakimiyyətinin rəsmilərinin və rayon ictimaiyyətinin iştirakı ilə Göygöl rayonu ərazisində bir sıra tədbirlər təşkil olunub.

Tədbir iştirakçıları əvvəlcə Göygöl Regional Meşə Təsərrüfatı Mərkəzinin Hacıkənd meşəbəyliyinin ərazisində meşəbərpa işləri aparılan əraziyə baxış keçirib.

Daha sonra tədbir iştirakçıları yaşıllıqların artırılmasına, ətraf mühitin sağlamlaşdırılmasına hər zaman böyük önəm vermiş Ulu Öndər Heydər Əliyevin 100-cü ildönümü münasibətilə sözügedən ərazidə təşkil olunan ağacəkmə aksiyasında iştirak edib və müxtəlif cinsli ağaclar əkiblər.

Tədbirin davamı olaraq Göygöl Milli Parkının ərazisində balıq buraxılışı həyata keçirilib və Göygölə 1500 ədəd qızılxallı forel körpəsi buraxılaraq növbəti dəfə onların təbii artımına, bərpasına dəstək göstərilib.

Rayon İcra hakimiyyətinin başçısı Elvin Paşayev Göygöl rayonu Tülallar kənd sakinləri ilə səyyar görüş keçirib.

Səyyar görüşdə Göygöl Rayon İcra hakimiyyəti başçısı Aparatının məsul şəxsləri, inzibati ərazi dairəsi üzrə nümayəndə, bələdiyyə və xidmət sahələrinin rəhbərləri iştirak ediblər.

Göygöl Rayon İcra hakimiyyəti başçısı Elvin Paşayev keçirilən səyyar görüşlərin ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlərin tərkib hissəsi olduğunu qeyd edərək, dövlət və vətəndaş münasibətlərinin yüksələn xətlə inkişaf etdiyini, məhz bu uğurlu siyasətin ölkəmizin bütün istiqamətlər üzrə mühüm nailiyyətlər əldə etməsinə şərait yaratdığını vurğulayıb, eyni zamanda Elektron Hökumət Portalı tərəfindən yaradılmış Rəqəmsal İcra Hakimiyyəti platforması barədə vətəndaşlara məlumat verərək, xidmətin əlçatanlıq və üstünlüklərini qeyd edibdir.

Səyyar görüş zamanı bir qrup kənd sakinini dinləyən Rayon İcra Hakimiyyətinin başçısı mövcud problemlərin həlli, o cümlədən elektrik dayaqlarının yenilənməsi, həyətyanı torpaqla təmin olma və digər məsələlərlə bağlı aidiyyəti xidmət sahələrinin rəhbərlərinə və məsul şəxslərə yerində müvafiq tapşırıq və tövsiyələrini bildirib.